بنگلادیش نے سعودی عرب توں پٹرول اُدھار منگ لیا

ڈھاکا(پنجابی میڈیاگروپ)ڈالراں دی ادائیگی وچ عدم توازن دا شکار بنگلا دیش نے سعودی عرب توں پٹرول ادھار دین دی درخواست کردیاں ہویاں آکھیا اے کہ پٹرول دی قیمت ادا کرن لئی قسطاں دی سہولت فراہم کیتی جائے۔عالمی خبر رساں ادارے دے مطابق آئی ایم ایف نے بنگلادیش لئی4.7ارب ڈالر قرضے دی منظوری دے دتی اے جس لئی پہلی قسط دے طور اُتے فوری67 کروڑ ڈالر فراہم کیتے جان گے۔لیکن بنگلادیش نوں پٹرول تے خوراک دی خریداری لئی ڈالراں دی کمی دا سامنا اے۔ اوہ اپنی ضرورتاں دا نصف پٹرول سعودی عرب توں خرید دا اے لیکن ڈالر گھٹ ہون پارون ادائیگی وچ مشکلاں دا سامنا اے ۔جس اتے بنگلادیش نے سعودی عرب توں موخر قسطاں وچ پٹرول فراہم کرن دی درخواست کیتی اے۔درخواست وچ آکھیا گیا اے کہ زرمبادلہ دے ذخائر گھٹ ہون دی وجہ ادائیگی وچ عدم توازن دا سامنا اے۔