سازش نال مسلط کیتی گئی حکومت نوں تسلیم نہیں کردا‘عمران خان

لہور(پنجابی میڈیاگروپ)پاکستان تحریک انصاف دے چیئرمین و سابق وزیر اعظم عمران خان نے آکھیا اے کہ سازش ،ہارس ٹریڈنگ نال مسلط کیتی گئی حکومت نوں تسلیم نہیں کردا ،شہباز شریف نے 10مہینیاں وچ معیشت تے جمہوریت نوں تباہ کردتا۔ اوہناں نے مائیکرو بلاگنگ ویب سائٹ ٹوئٹر اُتے جاری اپنے بیان وچ آکھیا کہ10مہینیاں وچ حکومت نے معیشت تباہ کردتی ، قنون دی حکمرانی تے بنیادی حقوق ختم کردتے تے ننگی فسطائیت ذریعے جمہوریت قتل تے ناک تھلے اتگردی نوں پھیلن دی اجازت دتی۔عمران خان نے آکھیا کہ شہباز شریف نے بنیادی انسانی حقوق سلب تے قنونی حکمرانی ختم کر کے ڈھٹائی تے فسطائیت ذریعے معیشت تے جمہوریت نوں تباہ کیتا۔عمران خان نے لکھیا کہ شہباز شریف دیاں اینہاں حرکتاں دے سبب ات گردی وی پھیلی۔میں سازش تے ہارس ٹریڈنگ ذریعے قوم اُتے مسلط کیتی گئی ایس امپورٹڈ حکومت نوں ہرگزتسلیم نہیں کردا۔اوہناں نے آکھیا کہ ایس حکومت وچ ات گردی نون اپنی ناک تھلے پھیلن دی اجازت دتی گئی، سوچدا ہاں کہ اینہے بے شرم کِنج ہو سکدے نیں۔