پورا پاکستان کشمیریاں نال حمایت کرن لئی اکٹھا اے،وزیراعظم

اسلام آباد(پنجابی میڈیاگروپ) وزیراعظم شہبازشریف نے آکھیا اے کہ پورا پاکستان کشمیری بھراہواں تے بہناں نال اپنی غیر متزلزل یکجہتی تے حمایت دا اظہار کرن لئی اکٹھا اے۔ یوم یکجہتی کشمیر اُتے وزیراعظم محمد شہباز شریف نے اپنے ٹوئٹ وچ آکھیا کہ پورا پاکستان کشمیری بھراہواں تے بہناں نال اپنی غیر متزلزل یکجہتی تے حمایت دا اظہار کرن لئی اکٹھا ہویا اے۔وزیر اعظم نے آکھیاکہ مقبوضہ جموں و کشمیر دی عوام اقوام متحدہ دے منظور شدہ حق خودارادیت دی جدوجہد وچ ہندوستانی غاصبانہ نظام توں نبردآزما نیں ۔ وزیراعظم نے آکھیاکہ مقبوضہ جموں و کشمیر دے لوگ بھارت دے غیر قنونی قبضے توں آزادی دے اپنے خواب پورا کرن لئی انتھک جدوجہد کر رہے نیں۔ وزیراعظم نے آکھیاکہ اوہناں نے اپنیاں قربانیاں نال آزادی دی شمع نوں جلا بخشی اے ،میرا یقین اے کہ اوہناں دے خواب چھیتی پورے ہون گے