عمران خان تحریک شروع کرو،تیرا علاج میں کراں گا:رانا ثنا

ملتان( پنجابی میڈیاگروپ)مسلم لیگ(ن)پنجاب دے صدر رانا ثنا اللہ نے آکھیا اے کہ عمران خان توں جیل بھرو تحریک شروع کر تیرا علاج میں کراں گا ۔ ملتان وچ مسلم لیگ (ن) دے ورکرز کنونشن نال خطاب کردیاں ہویاں وزیر داخلہ رانا ثنا اللہ نے آکھیا کہ پروپیگنڈا کیتا جا رہیا اے کہ ساڈی پارٹی الیکشن توں گھبرا رہی اے، اسیں الیکشن لئی تیار ہاں تے پنجاب وچ کامیابی حاصل کراں گے۔اوہناں نے آکھیا نوازشریف نے ہمیشہ ملک نوں بحراناں توں کَڈیا،ایہ جانن دی لوڑ اے کہ ایہ ملک ایس اسٹیج اُتے کیوں پہنچا؟90دی دہائی وچ پاکستان دی معیشت سب توں اگے سی، ملک وچ لوڈ شیڈنگ ختم وی نوازشریف دورو چ ہوئی ، سابق وزیر اعظم نوں بیٹے توں تنخواہ نہ لین اُتے نااہل کیتاگیا۔وزیر داخلہ نے ہور آکھیا کہ عمرانی ٹولے نے 2014 توں لانگ مارچ تے دھرنے دین دے علاوہ کجھ نہیں کیتا، ہُن ایہ کہہ رہیا اے کہ جیل بھرو تحریک شروع کراں گے، تُوں جیل بھرو تحریک شروع کر تیرا علاج میں کراں گا، جیل بھرو تحریک دے دوران تینوں اوتھے رکھاں گے جیتھے ساہنوں رکھیا سی۔