جیل بھرو تحریک، پاکستان تحریک انصاف نے تیاریاں شروع کر دتیاں

اسلام آباد(پنجابی میڈیاگروپ)پاکستان تحریک انصاف ولوں جیل بھرو تحریک شروع کرن دیاں تیاریاں دا باضابطہ آغاز کردتا گیا۔ذرائع مطابق ملک بھر وچ ریجنل تے ضلعی تنظیماں نوں اہداف سونپ دتے گئے، رضا کارانہ طور اُتے گرفتاریاں دین والے کارکناں دیاں فہرستاں تیار کیتیاںجان گیاں، ہر صوبائی اسمبلی دے حلقے توں500کارکن عمران خان دی کال اُتے گرفتاری دین گے ۔فہرستاں دی تیاری مکمل کرن توں بعد حتمی منظوری لئی آئندہ ہفتے چیئرمین پی ٹی آئی عمران خان نوں پیش کر دتی جائے گی، جیل بھرو تحریک نوں3مرحلیاں وچ اگے ودھایا جائے گا، پہلے مرحلے وچ مرکزی قائد تے اراکان پارلیمان گرفتاری دین گے ۔دُوجے مرحلے وچ ہر صوبائی اسمبلی دے حلقے توں500 کارکن جیل جان لئی خود نوں پیش کرن گے، تیجے مرحلے وچ پی ٹی آئی دے ووٹرز تے عوام وی جوق در جوق گرفتاریاں دیوے گی، عمران خان نے 4 فروری نوں قوم نال خطاب وچ ملک گیر جیل بھرو تحریک دا اعلان کیتا سی ،