ایف بی آر: آمدن توں ودھ اثاثیاں والے 100توں ودھ ڈاکٹراں دی فہرست تیار
پشاور: خیبر پختونخوا وچ مشہور تے بھاری فیساں وصول کرن والے ڈاکٹراں دی شامت آ گئی، ایف بی آر نے آمدن توں ودھ اثاثیاں والے 100توں ودھ ڈاکٹراں دی فہرست تیار کر لئی۔ ایف بی آر خیبر پختونخوا دے مطابق پشاور، ایبٹ آباد، بنوں تے مردان سنے وکھو وکھ ضلعیاں توں 100توں ودھ اجہے ڈاکٹر نیں جہناں دے ٹیکس ریٹرن گھٹ تے آمدن ودھ اے۔
ایف بی آر دے مطابق ٹیکس جمع نہ کران والے ڈاکٹراں دی تعداد ہزاراں وچ اے جہناں دے خلاف مرحلہ وار کاروائی کیتی جاوے گی۔ خیبر پختونخوا وچ آمدن توں گھٹ ٹیکس دین والے ڈاکٹراں نوں نوٹسز جاری کردیاں ہن آڈٹ لئی منتخب کر لیا اے جہدے بعد سکروٹنی دا مرحلہ شروع کیتا جاوے گا۔
پشاور دے شہریاں نے ڈاکٹراں دے خلاف حکومت دے ایس اقدام نوں خوب سراہیا تے سخت کاروائی دا مطالبہ وی کر دتا۔
