وزیراعظم دا دورہ ترکیہ، آل پارٹیز کانفرنس فیر موخر
اسلام آباد(پنجابی میڈیاگروپ)وزیراعظم میاں شہباز شریف دی زیرصدارت بلائی گئی آل پارٹیز کانفرنس (اے پی سی) اک وار فیر موخر کر دتی گئی، نویں تریخ دا اعلان بعد وچ کیتا جائے گا۔سماجی رابطے دی ویب سائٹ ٹوئٹر اُتے وفاقی وزیر مریم اورنگزیب ہوراںآکھیاکہ وزیراعظم شہباز شریف کل صبح انقرہ روانہ ہون گے،اوہ صدر اردوان نال زلزلے دی تباہی، جانی نقصان اُتے افسوس تے تعزیت، ترکیہ دی عوام نال یک جہتی کرن گے۔وفاقی وزیر دا کہنا سی کہ وزیراعظم دے دورہ ترکیہ پاروں جمعرات 9فروری نوں بلائی گئی اے پی سی مخر کیتی جا رہی اے، اتحادیاں دے مشورے نال نویں تریخ دا اعلان ہوئے گا۔
