ایران توں تفتان آن والے ہور 387پاکستانی قرنطینہ منتقل

چاغی: ایران توں تفتان آن والے ہور 387زائرین نوں قرنطینہ منتقل کر دتا گیا اے جہدے بعد قرنطینہ وچ رکھے گئے بندیاں دی تعداد 2500توں ودھ گئی اے۔

اسسٹنٹ کمشنر تفتان دے مطابق ایران توں پچھلے دیہاڑ ہور 387پاکستانی تفتان بارڈر اپڑے جہناں ںوں قرنطینہ منتقل کر دتا گیا اے جد کہ قرنطینہ وچ منتقل کیتے گئے پاکستانیاں دی تعداد 2500توں ودھ ہو گئی اے، 18سو زائرین نوں پاکستان ہاؤس جد کہ 627زائرین نوں میونسپل کمیٹی قرنطینہ وچ منتقل کیتا گیا اے۔

محکمہ صحت دا کہنا اے سارے زائرین نوں سکریننگ تے طبی چیک اپ دے بعد قرنطینہ منتقل کردے نیں۔ اے سی تفتان دے مطابق ایران توں آن والے زائرین دے 14دن پورے ہوندیاں ای کوئٹہ روانہ کر دتا جاوے گا جد کہ زائرین نوں امداد فراہم کرن لئی ایدھی دے رضا کار وی تفتان بارڈر اپڑ گئے نیں۔