کسی سیاسی آدمی نوں گرفتار نہیں کرناچاہیدا،شاہد خاقان عباسی

کراچی(پنجابی میڈیاگروپ)سابق وزیراعظم شاہد خاقان عباسی نے آکھیا اے کہ ملک وچ نیب دا سرکس جاری اے،جاوید اقبال نے ساڈے گریبان اُتے ہتھ پایااسیں اوہناں دے گریبان اُتے ہتھ پاواں گے،سیاسی آدمی نوں گرفتار نہیں کرنا چاہیدا،غلط مقدمیاں دی کَدی حمایت نہیں کیتی۔ احتساب عدالت دے باہر میڈیا نال گل بات کردیاں ہویاں شاہد خاقان عباسی نے آکھیا کہ کل نیب اسلام آباد وچ سن اج کراچی نیب وچ نیں،ملک وچ نیب دا سرکس جاری اے،ملکی مسائل دا وڈا حصہ نیب دا اے، فواد حسن فواد اُتے غلط الزام لائے گئے،16مہینے جیل وچ رکھیا گیا،ریٹائرمنٹ توں پہلاں ضمانت نہیں ہون دتی گئی،عمران خان احتساب دا دعویٰ کردے سن،ہُن عمران خان کہندے نیں احتساب کوئی ہور کررہیا سی،نویں نیب چیئرمین سے آکھیا کہ ساہنوں چھڈو عام لوکاں دا خیال کرن، لوگ 5/5 ورھیاں توں جیلاں وچ نیں،سیاسی آدمی نوں گرفتار نہیں کرنا چاہیدا۔