نجکاری وچ شفافیت اولین ترجیح ہونی چاہیدی اے،وزیر اعظم

اسلام آباد(پنجابی میڈیاگروپ)وزیراعظم شہباز شریف نے آکھیا اے کہ نجکاری دے عمل وچ شفافیت اولین ترجیح ہونی چاہیدی اے ،اینج دے پبلک سیکٹر انٹر پرائزز جنہاں دی نجکاری دی سفارش نجکاری بورڈ نے کیتی اے اوہناں دی نجکاری دے عمل نوں تیز تر بنایا جائے۔وزیراعظم محمد شہبازشریف دی زیرِ صدارت پبلک سیکٹر انٹر پرائززدی نجکاری دے حوالے نال اک اہم جائزہ اجلاس منعقد ہویا،اجلاس وچ پبلک سیکٹر انٹر پرائززدی نجکاری دے عمل دی رفتار دا جائزہ لیا گیا۔اجلاس دے رَلتیاں نال گل بات کردیاں ہویاں وزیراعظم نے آکھیا کہ حکومت پبلک سیکٹر انٹر پرائززدی نجکاری دے عمل دی حوصلہ افزائی کردی اے۔ اوہناں نے ہدایت کیتی کہ اینج دے پبلک سیکٹر انٹر پرائزز جنہاں دی نجکاری دی سفارش نجکاری بورڈ نے کیتی اے اوہناں نجکاری دے عمل نوںتیز تر بنایا جائے لیکن ایس عمل نوں شفاف انداز تے انٹرنیشنل بیسٹ پریکٹسز دی روشنی وچ مکمل کییتا جائے۔وزیر اعظم نے آکھیاکہ اینج دے پبلک سیکٹر انٹر پرائززجنہاں دی نجکاری دی سفارش نجکاری بورڈ نے کیتی اے اوہناں دی نجکاری دے عمل نوں تیز تر بنایا جائے۔