عمران صاحب ہی دَسن گے جیلاں کِنج بھرنیاں نیں،نوازشریف

لندن (پنجابی میڈیاگروپ)پاکستان مسلم لیگ (ن)دے قائدنوازشریف نے پاکستان تحریک انصاف دے چیئرمین عمران خان دی جیل بھرو تحریک اُتے ردعمل دیندیاں ہویاں آکھیا اے کہ عمران صاحب ہی دَسن گے جیلاں کنج بھرنیاں نیں ۔ تفصیل دے مطابق پچھلے دناں سابق وزیراعظم عمران خان نے جیل بھرو تحریک دا اعلان کیتا سی ۔ اپنے خطاب وچ عمران خان نے آکھیا سی کہ ساڈے کول 2رستے نیں،اک ملک گیر پہیہ جام ہڑتال اے،معیشت دی اینج دی حالت اے کہ پہیہ جام ہڑتال نال حالات ہور خراب ہون گے، کارکناں نوں کہندا ہاں کہ جیل بھرو تحریک دی تیاری کرن،میرے سگنل دا انتظار کرن، جیل بھرو تحریک دی کال دیواں گالیکن لندن وچ جَد صحافیاں نے عمران خان دی جیل بھرو تحریک بارے نواز شریف توں سوال کیتا تے اوہناں نے جواب دتا کہ عمران صاحب ہی دسن گے جیلاں کِنج بھرنیاں نیں۔