پاکستان تحریک انصاف دے رہنما عامر ڈوگر گرفتار

ملتان( پنجابی میڈیاگروپ)پاکستان تحریک انصاف دے رہنما عامر ڈوگر نوں اوہناں دے ڈیرے توں گرفتار کر لیا گیا۔پلس ولوں تحریک انصاف دے رہنما عامر ڈوگر نوں الیکشن کمیشن دفتر وچ ہنگامہ آرائی کرن اُتے حراست وچ لیا گیا، اوہناں دے نال اک درجن توں وِدھ پی ٹی آئی کارکناں نوں وی گرفتارکیتا گیا اے۔تحریک انصاف دے رہنما اسد عمر تے فواد چودھری ولوں عامر ڈوگر دی گرفتاری اُتے مذمت کیتی گئی اے، فواد چودھری نے آکھیا اے عامر ڈوگر دی گرفتاری نال جیل بھرو تحریک دا آغاز ہو گیا اے۔فواد چودھری نے آکھیا کہ جیل بھرو تحریک مثبت ثابت ہوئے گی، ہر معمولی معاملے نوں جواز بنا کے پی ٹی آئی رہنماواں نوں گرفتار کیتا جا رہیا اے، جو کجھ بھارت کشمیر وچ کر رہیا اے اوہی کجھ ایتھے ہو رہیا اے۔دُوجے پاسے پلس نے این اے 155 نال امیدوار شیخ طارق رشید تے ملک انور نوں وی حراست وچ لے لیا، دوناں مسلم لیگ(ن) دے رہنماواں نوں ملتان دے نشتر ہسپتال توں گرفتار کیتا گیا اے۔