امریکاایٹمی اثاثیاں اُتے قبضے لئی مصنوعی قیادت مسلط کیتی:سراج الحق

پشور( پنجابی میڈیا گروپ)امیر جماعت اسلامی سراج الحق نے آکھیا اے کہ امریکا ساہنوں کمزور کرنا چاہندا ایے تاکہ ایٹمی اثاثیاں نوں اپنے قبضے وچ کر لئے، ایس کم لئی اوہناںں نے مصنوعی قیادت مسلط کیتی اے۔پشوروچ گل بات کردیاں ہویاں اوہناں نے اکھیادھماکا ہُندا اے تے حکمران گھراں دی دیوار اُچی کرن وچ لگ جاندے نیں،سکیورٹی اداریاں کول کس چیز دی کمی اے جیہڑی تحفظ دین وچ نکام نیں، اگر تُسی امن قائم نہیں کرسکدے تے صاف کہہ دیو، لوگ مر رہے نیں تے ایہ لوگ آپس وچ وزارتاں وَنڈ رہے نیں۔ سراج الحق نے آکھا کہ جنرل فیض دے کئے گئے معاہدے تحت خیبرپختونخوا وچ امن برباد ہویا، دھماکیاں وچ صوبے دے عوام نے قربانیاں پیش کتیاں، وفاقی حکومت نے ہمیشہ ایتھے عوام دے نال سوتیلی ماں ورگا سلوک کیتا، افغانستان حکومت دا پاکستان وچ امن قائم کرنا دینی فرض نہیں؟