موجودہ حکومت نے ملک نوں ڈیفالٹ توں بچایا،مریم اورنگزیب

اسلام آباد(پنجابی میڈیاگروپ)مسلم لیگ (ن)دی مرکزی رہنما تے وفاقی وزیر اطلاعات مریم اورنگزیب نے آکھیا اے کہ موجودہ حکومت نے ملک نوں ڈیفالٹ ول جان توں بچایا۔میڈیا نال گل بات کردیاں ہویاں اوہناں نے آکھیا کہ وفاقی حکومت نے کِدھرے ایہ نہیں آکھیا کہ اسیں الیکشن نہیں کراواں گے، الیکشن حکومت نے نہیں الیکشن کمیشن نے کروانے نیں، الیکشن اپنے ویلے اُتے ہون گے۔وفاقی وزیر اطلاعات نے ہور آکھیا کہ پاکستان تے آئی ایم ایف دے مذاکرات جاری نیں،حتی الامکان کوشش اے کہ آئی ایم ایف دے نال مذاکرات پاکستان دے حق وچ نیں، قیاس آرائیاں وچ کسی دا فائدہ نہیں۔