حب الوطنی دا جذبہ طاقتور فورس بناندا اے: آرمی چیف

اسلام آباد: پاک فوج دے سربراہ جنرل قمر جاوید باجوہ نے کھاریاں دے نیڑے تربیتی علاقے دا دورہ کیتا تے اوتھے جاری انٹرنیشنل پاکستان آرمی ٹیم سپرٹ دے مقابلیاں دا مشاہدہ کیتا۔

آئی ایس پی آر دے مطابق ایہناں مقابلیاں وچ کراچی کور نے پہلی، ملتان کور نے دوجی تے راولپنڈی کور نے تیجی پوزیشن حاصل کیتی جد کہ ترکی نے بین الاقوامی ٹیماں وچ گولڈ میڈل حاصل کیتا۔ سعودی عرب، سری لنکا تے جنوبی افریقہ دی ٹیماں نوں سلور میڈلز دتے گئے۔

پاک فضائیہ دی ٹیم نے کانسی دا تمغہ حاصل کیتا۔ ایس موقع تے اپنے خطاب وچ آرمی چیف آکھیا اجہے مقابلیاں تے بہترین تجربیاں دے تبادلے نال لڑن دی مہارت بہتر ہووے گی، اجہے مقابلیاں نال شریک ملکاں دی فوجاں نوں جوڑن وچ مدد ملے گی۔

اوہناں نے مقابلے دی کامیاب تکمیل تے شرکاء نوں مبارکباد وی دتی۔ اوہناں آکھیا تربیت تے ٹیم ورک ہر سپاہی دا درپیش چیلنجز وچ طرہ امتیاز ہوندا اے۔