ترکیہ نے نال شام وچ وی امداد گھلاں گے،وزیراعظم

اسلام آباد( پنجابی میڈیاگروپ)وزیراعظم پاکستان شہباز شریف نے زلزلہ زدگان لئی قائم فنڈ نوں ترکیہ دے نال نال شام وچ متاثرین دی مدد لئی وی استعمال کرن دی ہدایت کردتی۔وزیراعظم شہباز شریف نے آکھیا اے کہ پاکستان نہ صرف ترکیہ تے شام وچ امدادی سامان گھل رہیا اے بلکہ اوس دی ترسیل اُتے آن والے سارے خرچے وی آپئی چُکے گا۔وزیراعظم نے این ڈی ایم اے نوں ترکیہ تے شامی متاثرین دی لوڑ نوں مدنظر رکھدیاں ہویاں امدادی سامان خریدن دی ہدایت کیتی اے۔وزیراعظم شہباز شریف نے آکھیا کہ پاکستان زلزلے نال متاثرہ ترک تے شامی بہن بھراہواں دی ہر ممکن مدد کرے گا، پاکستان نہ صرف فضائی رستے بلکہ زمینی تے سمندری رستے توں وی ترکیہ تے شام نوں امدادی سامان دی ترسیل یقینی بنا رہیا اے۔وزیراعظم نے آکھیا کہ پاکستانی ریسیکو اہلکار ترکیہ وچ لوکاں دی جان بچان وچ کلیدی کردار ادا کر رہے نیں،پاکستان ترکیہ تے شام دے مصیبت زدہ بہن بھراہواں دی مدد جاری رکھے گا۔