موجودہ حکومت ملک نوں دیوالیہ کر چکی اے،شاہ محمود قریشی

ملتان( پنجابی میڈیاگروپ)پاکستان تحریک انصاف(پی ٹی آئی)دے نائب چیئرمین تے سابق وزیر خارجہ شاہ محمود قریشی ہوراں آکھیا کہ موجودہ حکومت ملک نوں اینہاں9مہینیاں وچ دیوالیہ، کنگال کر چکی اے۔اپنے اک بیان وچ رہنما پی ٹی آئی شاہ محمود قریشی نے آکھیا کہ مریم بی بی توں پچھدا ہاں کہ نوازشریف دا بیانیہ دفن کرن والا بیان عامر ڈوگر نے دتا اے یا کیپٹن(ر)صفدر نے؟ایہ بیان تہاڈے شوہر نامدار دے رہے نیں۔اوہناں نے آکھیا کہ دسوکہ ورکر کنونشن وچ سعد رفیق دا چہرہ مرجھایا ہویا کیوں وکھائی دے رہیا اے، شاہد خاقان عباسی پارٹی دی نائب صدارت کیوں چھڈ رہے نیں۔شاہ محمود قریشی نے آکھیا کہ اج پاکستان دی ٹیکسٹائل انڈسٹری نوں را مٹیریل دستیاب نہیں اے، اوہناں کول ایل سیز کھولن لئی فارن ایکسچینج موجود نہیں اے۔اوہناں دا ہور کہنا سی کہ جَد9اپریل نوں تحریک انصاف دی حکومت سی تے اوس ویلے اک ڈالر دی قیمت178روپے سی، اج انٹر بینک وچ اک ڈالر276روپے دا ہو گیا اے،100روپے ودھن توں بعد وی ڈالر مارکیٹ وچ دستیاب نہیں، جَد روپے دی قدر ایس قدر ڈِگ جائے گی تے مہنگائی دا طوفان تاں آئے گا ہی نا۔