آئین ملک دی سلامتی دا ضامن اے، راجہ پریز اشرف

اسلام آباد(پنجابی میڈیا)سپیکر قومی اسمبلی راجہ پرویز اشرف ہوراں آکھیا اے کہ آئین ملک دی بقاء تے سلامتی دا ضامن اے، ہر ممکن طریقے نال ایس دا تحفظ یقینی بناواں گے۔ پیر نوں پارلیمنٹ ہائوس دے سبزہ زار اُتے جمہوریت دے گمنام ہیروزدی یادگار اُتے منعقدہ تقریب نال خطاب کردیاں ہویاں راجہ پرویز اشرف نے آکھیا کہ پاکستان پیپلزپارٹی نے2023 نوں پاکستان دے آئین دی گولڈن جوبلی تقریبات دا سال منان دا فیصلہ کیتا اے تے ایس ضمن وچ سینیٹر میاں رضا ربانی دی سربراہی وچ اک کمیٹی قائم کیتی گئی اے جیہڑی2023 وچ آئین دی گولڈن جوبلی دیاں تقریباں دے انعقاد لئی سفارشات مرتب کرے گی، پارلیمنٹ وچ دنیا بھر دے سپیکراں نوں وی مدعو کرن دا فیصلہ کیتا اے، ایس سلسلے وچ پارلیمنٹ سنے ملک بھر وچ تقریباں دے انعقاد دا فیصلہ کیتا اے جس دا مقصد نویں نسل نوں آئین دے حوالے نال کیتی گئی جدوجہد توں روشناس کرنا اے۔