جس ویلے الیکشن کمیشن آکھے گا الیکشن کرواواں گے،محسن نقوی

لہور(پنجابی میڈیا)نگران وزیر اعلی پنجاب محسن نقوی نے آکھیا اے کہ جس ویلے الیکشن کمیشن آکھے گا الیکشن کرواواں گے،الیکشن دی تریخ الیکشن کمیشن تے گورنر پنجاب دے درمیان معاملہ اے،اگر مینوں آکھیا گیا تے15دناں وچ الیکشن کروا کے گھر چلا جاواں گا۔تھوڑے عرصے وچ کجھ بہتری کرن لئی آیا ہاں، گرفتاریاں جنہاںنے کرنیاں نیں اوہ کرں، ایہ میرا مینڈیٹ نہیں، جنہاںنے تنقید کرنی اے اوہ کرن میں سب دی عزت کردا ہاں، الیکشن کمیشن دے مینڈیٹ اُتے ہی تقرر و تبادلے کر رہیا ہاں۔محسن نقوی نے آکھیاکہ ایل سیزنہ کھولن پاروںدوایاں مہنگیاں ہو رہیاں نیں۔ اوہناں نے آکھیا کہ عمران خان بندے اکھٹے کر رہے نیں، منع کراں گے تے میرے اُتے تنقید ہوئے گی، ساڈے کول طاقت منتخب حکومت توں وی آدھی اے،کوئی وی قنون نوں ہتھ وچ لئے گا تے قنون حرکت وچ آئے گا۔اوہناں نے آکھیا کہ ترقیاتی کماں دے حوالے نال اجے تک کوئی فنڈ ریلیز نہیں کیتا گیا۔