وفاقی کابینہ نے
170 ارب روپے
دی نویں ٹیکس لائون
دی منظوری دیدتی
اسلام آباد( پنجابی میڈیا)وفاقی کابینہ نے آئی ایم ایف دیاں شرطاں پوریاں کرن لئی170ارب روپے دے نویں ٹیکس نافذ کرن تے گیس و بجلی دیاں قیمتاں ودھان دی منظوری دے دتی۔میڈیا دے مطابق وزیراعظم دی زیرصدارت وفاقی کابینہ دااجلاس ہویا جس وچ ملک دی معاشی صورت حال تے آئی ایم ایف پروگرام دے حوالے نال کابینہ اراکاناں نوں بریفنگ دتی گئی۔وفاقی کابینہ نے 170ارب روپے دے نویں ٹیکس لان دی منظوری دے دتی جدکہ کابینہ نے ٹیکس قنون بل2023دی منظوری دے دتی۔وفاقی کابینہ نے قومی اسمبلی تے سینٹ دااجلاس15فروری بروز بدھ بلان دا فیصلہ کیتا اے۔ ذرائع دے مطابق قومی اسمبلی تے سینٹ دے اجلاس اک اک گھنٹے دے وقفے نال بلائے جان گے۔ پہلے قومی اسمبلی دااجلاس ہوئے گا جس وچ ٹیکس قنون ترمیمی بل پیش کر کے فوری منظور کروایا جائے گا۔قومی اسمبلی اجلاس دے 1گھنٹہ بعد سینٹ اجلاس وچ وی ٹیکس قنون بل پیش کر دتاجائے گا۔علاوہ ازیں وفاقی کابینہ نے بجلی تے گیس دیاں قیمتاں وچ ودھا دی منظوری دے دتی،وفاقی کابینہ نے اقتصادی رابطہ کمیٹی دے اجلاساں وچ کیتے گئے فیصلیاں دی توثیق کیتی جدکہ لگژری آئٹماں اُتے ٹیکس ودھان دی منظوری دے دتی۔وفاقی کابینہ دے اجلاس وچ بجلی دے بریک ڈان اُتے پاورڈویژن دی رپورٹ پیش کیتی گئی تے اراکاناں نوں بریفنگ دتی گئی۔کابینہ اجلاس وچ فیصلہ کیتا گیا کہ قومی اسمبلی نال رولز معطل کر کے ٹیکس قنون ترمیمی بل فوری منظور کرایا جائے گا جدکہ سینٹ وچ ٹیکس قنون ترمیمی بل سفارشات لئی پیش کیتا جائے گا۔ حکومت اکثریت دے بل بوتے اُتے سینٹ وی وی رولز معطل کر کے قرارداد منظور کرائے گی۔ سینٹ توں ٹیکس قنون ترمیمی بل ورگا اے دی بنیاداُتے منظور اے دی قرارداد پاس کرائی جائے گی،
