پاکستان سرکار ترک زلزلہ متاثرین دے شانہ بشانہ کھڑے نیں،احسن اقبال

اسلام آباد(پنجابی میڈیا)وفاقی وزیر منصوبہ بندی، ترقی و اصلاحات احسن اقبال نے آکھیا اے کہ پاکستان دی حکومت تے عوام آزمائش دی ایس گھڑی وچ زلزلہ متاثرین دے شانہ بشانہ کھڑی اے،ترکی وچ امدادی سرگرمیاں وچ حصہ لین والے نجی اداریاں دی راہ وچ انتظامی مشکلاں دور کرن لئی متعلقہ ادارے اپنا کردار ادا کرن۔اوہ اپنی زیرصدارت ترکی وچ پاکستان ولوں امدادی سامان دی ترسیل تے زلزلہ زدگان دی بحالی لئی اجلاس وچ گل بات کررہے سن۔اجلاس وچ این ڈی ایم اے، این ایل سی،صوبائی حکومتاں تے وزارت منصوبہ بندی دے حکام نے رَلت کیتی۔اجلاس دی صدارت کردیاں ہویاں وفاقی وزیر نے آکھیا کہ پاکستان دی حکومت تے عوام آزمائش دی ایس گھڑی وچ ترک زلزلہ متاثرین دے شانہ بشانہ کھڑی اے۔