استعفیاں دی منظوری،سپیکر دا نوٹیفکیشن معطل کرن دی استدعا مسترد

لہور(پنجابی میڈیا) لہور ہائی کورٹ نے استعفیاں دی منظوری دے حوالے نال پاکستان تحریک انصاف دے ارکاناں ولوں سپیکر دا نوٹیفکیشن فوری معطل کرن دی استدعا مسترد کر دتی، عدالت نے سپیکر قومی اسمبلی سنے ہوراں توں7 مارچ نوں جواب منگ دیاں ہویاں سماعت ملتوی کر دتی ۔ لہور ہائیکورٹ دے جسٹس شاہد کریم نے ریاض فتیانہ سنے ہوراں دی درخواست اُتے سماعت کیتی ۔درخواست وچ سپیکر ولوں استعفے منظور کرن دااقدام چیلنج کیتا گیا اے ۔درخواست گزاراںدے وکیلاں نے موقف اپنایا کہ لہور ہائیکورٹ نے الیکشن کمیشن ولوں ممبراں نوں ڈی نوٹی فائی کرن دا اقدام معطل کررکھیا اے ،عدالت نے نوٹیفکیشن نہ لان اُتے اسپیکر ولوں استعفے منظور کرن دا اقدام معطل نہیں کیتا۔