پیپلز پارٹی نے سیلاب متاثرین دا مال وی نہیں چھڈیا،خرم شیر زمان

کراچی( پنجابی میڈیا)پاکستان تحریک انصاف(پی ٹی آئی) دے رہنما خرم شیر زمان نے آکھیا اے کہ سندھ وچ لٹ ماردا بازار گرم اے، پیپلز پارٹی نے سیلاب زدگان دا مال وی نہیں چھڈیا۔میڈیا نال گل بات کردیاں رہنما پی ٹی آئی خرم شیر زمان نے آکھیا کہ کہ پیپلز پارٹی نے147 ارب 56 کروڑ دا حساب کتاب ہی نہیں دتا اے، پروکیورمنٹ وچ 21 ارب 86 کروڑ دیاں بے ضابطگیاں نیں،اوہناں نے آکھیا کہ سندھ وچ عوام دیاں چیخاں نکلیاں ہویاں نیں، عوام کول پانی تے ہور سہولتاں نہیں، کس وجہ پاروں سندھ وچ قیامت مچی ہوئی اے، لاڑکانہ وچ ایڈز دے مریض وَدھ رہے نیں، ہر پریشانی سندھ وچ کیوں آندی اے۔رہنما پی ٹی آئی دا ہور کہنا سی کہ صوبہ سندھ نوں پیپلزپارٹی برباد کر رہی اے، زرداری ٹولہ سندھ دا خون چوس رہیا اے، سندھ کرپشن دا گھر بن چکیا اے، زرداری ٹولے توں چھٹکارا ضروری اے۔