چیئر مین سینٹ صادق سنجرانی نال سعودی سفیر دی ملاقات
اسلام آباد(پنجابی میڈیا)چیئرمین سینیٹ محمد صادق سنجرانی نال پاکستان وچ سعودی عرب دے سفیر نواف بن سعید احمد المالکی نے ملاقات کیتی جس وچ باہمی دلچسپی دے امور سنے دوناںپاسیاں دے تعلقات مضبوط بنان تے علاقائی ترقی بارے تبادلہ خیال کیتا گیا۔تفصیل دے مطابق ملاقات وچ دوناں برادر ملکاں دے درمیان مضبوط تے تریخی تعلقات دا اعادہ تے دوناں ملکاں دے مابین اقتصادی تے معاشی تعاون نوں ہور ودھان اُتے اتفاق کیتا گیا۔چیئرمین سینٹ نے آکھیاکہ پاکستان سعودی عرب دے نال نال اپنے تعلقات نوں انتہائی قدر دی نگاہ نال ویکھدا اے۔ اوہناںنے آکھیاکہ مختلف بین الاقوامی فورمز اُتے برادر ملک سعودی عرب داپاکستان دے موقف دی حمایت اُتے شکریہ ادا کردے ہاں۔چیئرمین سینیٹ محمد صادق سنجرانی نے آکھیاکہ دوناں ملکاں دے درمیان تجارت، سرمایہ کاری تے توانائی دے شعبیاں وچ موجودہ تعاون ہور بہتر بنان دی لوڑاے۔
