پاکستان تحریک انصاف ہر صورت عدلیہ دے تقدس دی حفاظت کرے گی‘عمران خان

لہور(پنجابی میڈیاگروپ)پاکستان تحریک انصاف دے چیئرمین عمران خان نے آکھیا اے کہ پی ٹی آئی تے اوس دے کارکن ہر صورت عدلیہ دے تقدس دی حفاظت کرن گے،ملکی معیشت پہلاں ہی برباد کردتی گئی اے ہُن الیکشن نہ کروا کے آئین شکنی کیتی جا رہی اے،اپنی آئین شکنی بچان لئی امپورٹڈ حکومت عدلیہ اُتے حملہ آور اے،مہنگائی نے عام آدمی دی کمر توڑ دتی اے۔چیئرمین تحریک انصاف عمران خان نال پارٹی رہنما شہباز گل نے زمان پارک وچ ملاقات کیتی جس وچ موجودہ ملکی سیاسی صورتحال تے آئندہ دے لائحہ عمل اُتے غورکیتا گیا۔عمران خان نے آکھیا کہ ہیلتھ کارڈ سنے بوہت سارے عوام دوست منصوبے بند کرن نال غریب اُتے بوجھ وَدھ رہیا اے، اوہناں وچ عام آدمی دا سامنا کرن دی ہمت نہیں، مہنگائی دا جن بے قابو ہو چکیا اے، خود نوں جیہڑے معیشت دے چمپئن سمجھدے سن اج کل منہ چھپاندے پھررہے نیں۔