الیکشن دی تریخ دین دی بجائے معاملہ اک دُوجے اُتے پایاجارہیا اے،صدرعارف علوی

اسلام آباد(پنجابی میڈیاگروپ)صدرمملکت ڈاکٹر عارف علوی نے آکھیا اے کہ الیکشن لئی حیلے بہانے تلاش کیتے جارہے سن ایس لئی مینوں خط لکھنا پئیا،الیکشن دی تریخ دین دی بجائے معاملہ اک دُوجے اُتے پایاجارہیا اے۔اک انٹرویو وچ صدرعارف علوی نے آکھیا کہ آئین وچ سوراخ تلاش کرن دی بجائے اوس دی پاسداری کرنی چاہیدی اے ایہ نہ کرن کہ آئین دیاں شقاں نوں کس طرح سائیڈ اُتے رَکھ کے الیکشن وچ تعطل دااہتمام کیتاجائے۔صدرعارف علوی نے آکھیاکہ الیکشن لئی حیلے بہانے تلاش کیتے جا رہے سن ایس لئی مینوں خط لکھنا پئیا، الیکشن دی تریخ دین دی بجائے معاملہ اک دُوجے اُتے پایا جارہیا اے، اینج لگدا اے کہ جداں الیکشن دی تریخ دین اُتے جرمانہ ہوجائے گا۔