سکولاں وچ ہور چھٹیاں نہیں کیتی جان گیاں: سعید غنی

کراچی: صوبائی وزیر تعلیم سعید غنی آکھیا سکولاں وچ ہور چھٹیاں نہیں کیتی جان گیاں، کوشش ہووے گی 13مارچ دے بعد سکولز دوبارہ کھول دیئے۔

خیال رہوے سندھ حکومت نے کرونا وائرس دے خطرے دے پیش نظر نجی تے سرکاری سکولاں وچ 12چھٹیاں دا اعلان کیتا سی جہدے مطابق 2مارچ توں 13مارچ تک سندھ وچ سکولز بند رہن گے۔

صحافی عزیز میمن دے قتل دی تحقیقات دے سوال تے وزیر تعلیم سندھ سعید غنی دا کہنا سی ایس واقعے تے سندھ حکومت جے آئی ٹی بنان جا رہی اے، تحقیقات دے حوالے نال مرحوم صحافی دے خاندان نوں مکمل مطمئن کیتا جاوے گا، قتل وچ ملوث ملزمان دی نشاندہی کرکے کیفر کردار تک اپڑایا جاوے گا۔