چیئرمین نیب دااستعفیٰ فاشسٹ نظام ٹُٹن ول وڈاقدم اے‘تحریک انصاف

لہور( پنجابی میڈیا) پاکستان تحریک انصاف نے چیئرمین نیب دے استعفیٰ دا خیرمقدم کردیاں ہویاں آکھیا اے کہ استعفیٰ فاشسٹ نظام دے ٹٹن ول وڈا قدم اے۔تحریک انصاف دے مرکزی رہنما فوادچودھری نے آکھیا کہ آفتاب سلطان نے اپنے کم وچ مداخلت خلاف استعفیٰ دتا، چیف الیکشن کمشنر لئی چیئرمین نیب دے استعفیٰ وچ وڈا پیغام اے، میں اینہاں22افسراں نوں جنہاں نون پنجاب وچ مداخلت کرن لئی لایا گیا اے کہندا ہاں کہ اوہ وی خود نوں ایس نظام توں وَکھ کرن،ایہ ملک تے بیوروکریسی دوناں دے مفاد وچ اے۔اوہناںنے ہور آکھیا کہ چیئرمین نیب دااستعفیٰ تحریک انصاف دے موقف دی واضح توثیق اے۔