نامکمل کورم توں170 ارب دا بجٹ منظور کروانا جمہوریت دی توہین اے،شیخ رشید

لہور(پنجابی میڈیا)سربراہ عوامی مسلم لیگ و سابق وزیر داخلہ شیخ رشید نے آکھیا اے کہ نامکمل کورم توں170 ارب روپے دا ضمنی مالیاتی بجٹ منظور کروانا جمہوریت دی توہین اے۔اوہناں نے سماجی رابطے دی ویب سائٹ ٹوئٹر اُتے اپنے پیغام وچ آکھیا کہ صدردا فیصلہ آئینی تے قنونی اے،صدرعارف علوی دی گل نہ منی گئی تے آئینی بحران پیدا ہوئے گا،ملک بند گلی وچ چلا جائے گا۔اوہناں نے آکھیا کہ عمران خان نے عدالت وچ پیش ہو کے اپنا تے عدلیہ دا وقار اُچا کیتا،غریب ایڑیاں رگڑ کے مررہیا اے تے آئی ایم ایف دافیصلہ کولڈ سٹوریج وچ پئیا اے۔شیخ رشید نے آکھیا کہ عوامی سواری دی بجائے مخصوص طیاریاں اُتے سفر کردے نیں کیونکہ چور دے نعرے توں ڈردے نیں،میرے ٹوئٹر توں خوف زدہ حکومت جان لے کہ23 فروری نوں میڈیا اُتے خطاب کراں گا۔سابق وزیر داخلہ دا کجھ کہنا سی کہ آرمی چیف میرے گھر دی ڈکیتی اُتے تحقیقات کروائے۔