پنجاب تے خیبر پختونخوا وچ موسلادھار بارشاں، حادثیاں وچ 10موتاں، کئی زخمی

لہور: دیس بھر وچ طوفانی بارشاں نال تباہی، چھتاں ڈگن سنے کئی حادثیاں وچ ہلاکتاں دی تعداد 15ہو گئی۔ بارشاں تے ژالہ باری نال فصلاں نوں نقصان، ندی نالیاں وچ طغیانی دا خدشہ، صادق آباد نہر وچ 30فٹ چوڑا شگاف پے گیا۔

پنجاب وچ پاکپتن، اٹک، مظفر گڑھ، کبیر والا، لودھراں تے اوکاڑہ وچ چھتاں زمین بوس ہو گئیاں۔ ملبے تھلے دب کے دو بالاں سنے 7بندے جاں بحق جد کہ کئی زخمی ہوئے۔ اوکاڑہ وچ بارش دی وجہ توں پھسلن نال بس الٹ گئی۔ حادثے وچ 15بندے زخمی ہوئے۔

خیبر پختونخوا وچ وی بارشاں نال جانی نقصان ہویا۔ خیبر پختونخوا وچ بارشاں نال حادثیاں وچ پنج بالاں سنے 7بندے جاں بحق ہو گئے۔ پی ڈی ایم اے دے مطابق بارشاں نال 8مکاناں نوں وی نقصان اپڑیا۔