جیل بھرو تحریک ملک دے خلاف سازش اے،مریم اورنگزیب

اسلام آباد(پنجابی میڈیا) وفاقی وزیراطلاعات ونشریات مریم اور نگزیب نے آکھیا اے کہ تحریک انصاف دی جیل بھروتحریک نوں جیل بچو تحریک ور ملک دے خلاف سازش اے،جیل بھرو تحریک دا لیڈر زمان پارک وچ چھپ کے بیٹھیا ہویا اے،جیل بھرو تحریک عمران خان دی گرفتاری توں شروع ہونی چاہیدی اے ،توشہ خانہ، فارن فنڈنگ، ہیریاں دالین دین، سائفر دی کہانی، القادر ٹرسٹ دی زمین وَرگے کیساں بارے عمران خان کول کوئی جواب نہیں، ایہ قومی مجرم اے، بشریٰ بی بی گھریلو خاتون نہیں ،چوری دی ایڈوائزر تے پی ٹی آئی رہنماواں دیاں جیباں بھرن دی چابی سی ،عمران خان نوں اپنے خلاف چارج شیٹ اُتے جواب دینا پئے گا، آئی ایم ایف نال ڈیل کرکے5سو ارب دے ٹیکس توں عوام نوں بچایا اے،آفتاب سلطان نے ذاتی وجہ اُتے استعفیٰ دتا۔بدھ نوں ایتھے پریس کانفرنس نال خطاب کردیاں ہویاں آکھیاکہ پچھلے 9 ماہ سے ملک میں تماشا لگا ہوا ہے، نالائقوں، نااہلوں، ملک کے خلاف سازش کرنے والوں اور فارن فنڈنگ وچ ملوث ٹولے نے4ورھے وفاق تے 10ورھے خیبر پختونخوا وچ تباہی مچائی۔وفاقی وزیر اطلاعات نے آکھیاکہ عمران خان نے وزارت عظمیٰ دے منصب اُتے بیٹھ کے ریاستی طاقت استعمال کر کے اپنیاں جیباں بھریاں، ایس ٹولے نے اپنے سیاسی مخالفاں نوںجیلاں وچ پایا، سرکاری خزانے نوں استعمال کر کے اپنے سیاسی مخالفاں خلاف پروپیگنڈا کیتا۔