خان صاحب دی سکیورٹی دا مسئلہ اے :یاسمین راشد

لہور( پنجابی میڈیا)پاکستان تحریک انصاف سنٹرل پنجاب دی صدرڈاکٹر یاسمین راشد نے آکھیا اے کہ عمران خان دی سکیورٹی دا مسئلہ اے،اسیںکیوں اوہناں نوںگرفتار ہونے دیئے؟اسیں حکومت اُتے کس طرح اعتماد کر سکدے ہاں۔صدر پاکستان تحریک انصاف سنٹرل پنجاب ڈاکٹر یاسمین راشد نے اک بیان وچ آکھیا اے کہ جیل بھرو تحریک اک پُرامن احتجاج اے،ساڈے احتجاج ہمیشہ پر امن رہے نیں،اسیںکوئی غلط کم نہیں کررہے،خان صاحب نے آکھیا اے پہلاں مرد گرفتاریاں دیون گے فیر عورتاںدی واری اے،90دناں وچ52دن رہ گئے نیں اینہاں اجے تک الیکشن دی تریخ نہیں دتی، ساڈی ڈیمانڈ الیکشن دی اے۔اوہناں نے ہور آکھیا کہ سب نوں معلوم اے جَد تک سیاسی استحکام نہیں آئے گا معاشی استحکام نہیں آسکدا، ایہ روزانہ مہنگائی دااک نوا بم سُٹ دے نیں، پٹرول300روپے لیٹر ہون والا اے،مریم بی بی کہندی اے اسیں بڑے مقبول ہاں،تے الیکشن لڑن وچ ڈرنے دی کیہڑی گل اے۔