وزیرخارجہ بلاول بھٹو1دن لئی ہنگری پہنچ گئے
اسلام آباد( پنجابی میڈیا)چیئرمین پیپلز پارٹی تے وزیرخارجہ بلاول بھٹو1دن دے دورے اُتے ہنگری پہنچ گئے،کسی وی پاکستانی وزیر خارجہ ولوں ہنگری داایہ پہلا سرکاری دورہ اے۔ہنگری وچ پاکستان دے سفیر آصف حسین میمن تے ہنگری دے اعلی حکام نے وزیر خارجہ دا استقبال کیتا،بلاول بھٹو زرداری ہنگری دورے دے دوران اپنے ہم منصب نال ملاقات کرن گے۔وزیر خارجہ بلاول بھٹو تے ہنگری دے وزیر خارجہ دے درمیان ملاقات وچ دوطرفہ تعلقات دا جائزہ لیا جائے گا، دونوں وزرائے خارجہ پاکستان تے ہنگری دے درمیان تعاون دیاں یادداشتاں اُتے دستخط وی کرن گے۔
