فنانس بل دی منظوری وچ تاخیر نہیں ہوئے گی: صدر

اسلام آباد( پنجابی میڈیا)وزیر خزانہ اسحاق ڈار نے صدر مملکت نال ملاقات کیتی جس وچ صدر ولوں فنانس بل وچ تاخیر نہ ہون دی یقین دہانی کرائی گئی اے۔حکومت نے فنانس سپلیمنٹری بل 2023 وزیراعظم دے مشورے دے نال صدارتی منظوری لئی ایوان صدر نوں گھل دتااے۔ذرائع مطابق صدر نوں آئی ایم ایف نال معاہدے دے تناظر وچ قنون دے نفاذدی لوڑ توں آگاہ کیتاگیا۔پیر دی شام قومی اسمبلی وچ مالیاتی قنون سازی نوں اپوزیشن اراکاناں دی موجودگی وچ کثرت رائے نال منظور کیتا گیا جس توں وفاقی وزیر خزانہ اسحاق ڈار نے پیش کیتا۔دلچسپ گل ایہ اے کہ عمران خان دے پہلے وفادار پی ٹی آئی ممبر محمود مولوی نے اوسی دِن رکنیت دا حلف چکیا، اوہ کراچی ایسٹ فور نال ضمنی الیکشن وچ منتخب ہوئے سن، بل دی منظوری ویلے اوہ ایوان وچ موجود نہیں سن۔