عمران خان دی ویڈیو لنک اُتے حاضری لگوان دی استدعا مسترد

اسلام آباد( پنجابی میڈیا)اسلام آباد ہائیکورٹ نے ممنوعہ فنڈنگ کیس وچ سابق وزیر اعظم عمران خان دی ویڈیو لنک اُتے حاضری لگوان دی استدعا مسترد کردیاں ہویاں28 فروری نوں بینکنگ کورٹ دے روبرو پیش ہون دا حکم دے دتا۔اسلام آباد ہائی کورٹ وچ جسٹس محسن اختر کیانی تے جسٹس طارق محمود جہانگیری اُتے مشتمل 2 رکنی بینچ نے ممنوعہ فنڈنگ کیس وچ عمران خان دی ویڈیو لنک اُتے حاضری لئی اپیل اُتے سماعت کیتی۔دوران سماعت عمران خان دے وکیل نے نویں میڈیکل رپورٹ عدالت وچ پیش کردیاں ہویاں موقف اختیار کیتاکہ ڈاکٹراںدے مطابق وَدھ عمری پاروںزخم بھرن دا عمل سست اے۔عمران خان دے وکیل نے آکھیا کہ ٹرائل کورٹ وچ زخماں دے اصل ہون اُتے اعتراض کیتا گیا،ایہ اعتراض عمران خان لئی کافی ڈسٹربنگ (پریشان کن ) سی۔عمران خان دے وکیل دے دلائل دی مخالفت کر دیاں ہویاں سپیشل پراسیکیوٹر رضوان عباسی نے آکھیا کہ عمران خان دی میڈیکل رپورٹ ناکافی اے،عمران خان نوں صرف لَت وچ تھوڑا سا کھنچیا اے۔