اُمید اے عدلیہ تریخی فیصلہ دیوے گی‘پرویزالٰہی

لہور(پنجابی میڈیا)پاکستان تحریک انصاف دے رہنما وسابق وزیراعلیٰ پنجاب چودھری پرویزالٰہی نے آکھیا اے کہ عدلیہ ہی ایس ویلے عوام دیاں اُمیداںدا مرکز اے،امید اے کہ عدلیہ آئین دی بالادستی لئی تریخی فیصلہ دیوے گی۔لہور وچ پرویز الٰہی نال پارٹی رہنما محمودالرشید، جلیل شرقپوری، احمد نواز تے ہوراں ملاقات کیتی،محمودالرشید، جلیل شرقپوری نے انہیں پی ٹی آئی وچ شامل ہون اُتے پُھل پیش کیتے۔پرویز الٰہی نے الیکشن دی تریخ دے معاملے اُتے سپریم کورٹ دے ازخود نوٹس دا خیرمقدم کیتا۔سابق وزیر اعلیٰ پنجاب نے آکھیا کہ جیل بھرو تحریک وچ پارٹی رہنماواں، کارکناں تے عوام دا جذبہ قابل ستائش اے، حقیقی آزادی تے پاکستان دی ترقی لئی عمران خان دے ہتھ مضبوط کرنا ہون گے۔اوہناں نے آکھیا کہ پی ڈی ایم اپنی نکام سیاست بچان، مخالفاں اُتے دبائولئی جھوٹے مقدمے درج کرا رہی اے۔