ساریاں نوں مل کے سیاسی حل کَڈنا چاہیدا اے:شاہد خاقان عباسی

لہور(پنجابی میڈیاگروپ)مسلم لیگ(ن)دے سینئر رہنما و سابق وزیراعظم شاہد خاقان عباسی دا کہنا اے کہ موجودہ سیاسی نظام وچ چیلنجاں دا مقابلہ کرن دی صلاحیت نہیں، اسٹیبلشمنٹ سنے ساریاں نوں سیاسی معاملات حل کرانا ہون گے، تاخیر ملکی مفاد وچ نہیں۔الحمرا ہال لہور وچ جاری 3 روزہ لہورلٹریچر فیسٹیول دے دُوجے دن سابق وزیراعظم شاہد خاقان عباسی نے اُچیچی نشست وچ گل بات کردیاں ہویاں آکھیا کہ ملک وچ آئین تے موجود اے لیکن اوس دی بالادستی قائم کرنا وی ضروری اے، ملکی سیاسی تریخ وچ صرف4 لیڈرذوالفقار علی بھٹو، نواز شریف، بے نظیر بھٹو تے عمران خان آئے نیں۔اوہناں نے آکھیا کہ بدقسمتی نال اسٹیبلشمنٹ لئی کرپٹ لوگ زیادہ قابل قبول نیں، بہ نسبت اوہناں لوکاںدے جیہڑے کردار والے نیں، پاکستان وچ اسٹیبلشمنٹ مسئلے دا حل نہیں بلکہ خود اک مسئلہ اے۔سابق وزیراعظم نے آکھیا کہ موجودہ سیاسی نظام وچ چیلنجاں دا مقابلہ کرن دی صلاحیت نہیں، بیوروکریسی وچ وی متعلقہ وزارتاں دے مسائل حل کرن دی اہلیت نہیں، وفاقی ملازم مراعات لئی صوبیاں وچ کم کرن دی خواہشمند ہُندے نیں۔اوہناں نے ہور آکھیا کہ ایہ عوام دی صوابدید اے پارلیمنٹ وچ کسے ہونا چاہیدا اے مگر اینج ہُندا نہیں اے،ساڈے کول50فیصد سینیٹرز سیٹاں خرید کے سینیٹ وچ پہنچدے نیں۔