افغانستان وچ دہشت گردی دا واقعہ، پاکستان دی پرزور مذمت تے اظہار افسوس
اسلام آباد: پاکستان نے افغانستان دے دارالحکومت کابل وچ ہون والے دہشت گردی دے واقعے دی پرزور مذمت کردیاں قیمتی جاناں دے نقصان تے افسوس دا اظہار کیتا اے۔ دفتر خارجہ ولوں جاری مذمتی بیان وچ آکھیا گیا اے پاکستان افغان دارالحکومت کابل وچ دہشت گردی دی پرزور مذمت کردا اے۔
کابل وچ دہشت گرد حملے وچ قیمتی جاناں دے نقصان تے افسوس اے۔ بیان وچ آکھیا گیا اے پاکستان دہشت گردی توں متاثرہ خانداناں دے نال یکجہتی تے ہمدردی دا اظہار کردا اے۔
پاکستان افغان تنازع دے حل لئی گل بات دا حامی اے۔ پاکستان نے سارے فریقین تے افغانستان وچ امن و استحکام لئی تعمیری سوچ دے نال کم کرن تے زور دتا اے۔
