سپریم کورٹ دا فیصلہ قنون دے منافی اے‘خواجہ سعد رفیق

لہور(پنجابی میڈیاگروپ)پاکستان مسلم لیگ(ن)دے مرکزی رہنما ووفاقی وزیرخواجہ سعد رفیق نے آکھیا اے کہ سپریم کورٹ دا فیصلہ قنون تے انصاف دے بنیادی تقاضیاں دے منافی اے،عمران تے سہولت کاراں دی جلد بازی ریاست لئی خطرہ بن گئی اے۔ اوہناں نے پنجاب تے خیبرپختونخواالیکشن ازخود نوٹس اُتے سپریم کورٹ دے فیصلے دے بعد سماجی رابطے دی ویب سائٹ ٹوئٹر اُتے اپنے ٹویٹ وچ آکھیا کہ صوبائی الیکشن بارے سپریم کورٹ دا فیصلہ قنون تے انصاف دے بنیادی تقاضیاں دے منافی اے۔اوہناں نے ہور آکھیا کہ معاشی، سیاسی تے آئینی بحران دی بنیاد نظریہ ضرورت تے پسند ناپسند دی بنیاد اُتے کیتے گئے فیصلے نیں، ممبران صوبائی اسمبلی دے ووٹ گنے بغیر اوہناں نوں ڈس کوالیفائی کردیاں ہویاں آئین دی دستک سنائی دتی نہ ریویو سُنیا گیا۔