سوشل میڈیا اُتے جھوٹیاں خبراں روکاں گے،چیئرمین پیمرا

لہور(پنجابی میڈیاگروپ)پاکستان الیکٹرانک میڈیا ریگولیٹری اتھارٹی(پیمرا) دے چیئرمین سلیم بیگ نے آکھیا اے کہ سوشل میڈیا اُتے جھوٹیاں خبراں روکن لئی قنون بنان دی لوڑ اے،سوشل میڈیا اُتے جعلی خبراں تیزی دے نال پھیلدیاں نیں اُمید اے کہ آن والے دناں وچ اوس نوں ریگولیٹ کیتا جائے گا۔ایہہ گلاں اوہناں نے ایکسپو سنٹر لہوروچ سالانہ بین الاقوامی کتاب میلے’’لہور انٹرنیشنل بک فیئر‘‘دے افتتاح توں بعد میڈیا نال گل بات کردیاں ہویاں کیتیاں۔چیئرمین پیمراسلیم بیگ نے میڈیا نال گل کردیاں ہویاں آکھیا کہ خوشی ہوئی لہور وچ کتاب میلہ اک روایت بن گئی اے،کتاب انسان دی زندگی دا حصہ اے ،کتاب نال انسان نوں شعور آندا اے ایس نوں لازمی خریدنا پیندا اے،کتاب میلے وچ 40 توں 50فیصد ڈسکائونٹ دتا گیا اے۔پنجاب حکومت ایس طرح دے ایونٹ اُتے اسٹال مالکان اُتے اخراجات دا گھٹ بوجھ پائے۔