اسٹیٹ بینک آف پاکستان نے شرح سود 3فیصد ودھادِتی
کراچی( پنجابی میڈیاگروپ)اسٹیٹ بینک آف پاکستان نے مانیٹری دا پالیسی اعلان کردیاں ہویاں شرح سود 3فیصد ودھا دتی ۔اسٹیٹ بینک دی مانیٹری پالیسی دے مطابق بنیادی شرح سود17فیصد توں وَدھ کے20فیصد ہوگئی،ایس سال مہنگائی دی شرح29 فیصد تک رہ سکدی اے۔اسٹیٹ بینک ولوں جاری کردہ مانیٹری پالیسی دے بیان وچ آکھیا گیا اے کہ اقتصادی پالیسیاں، بیرونی حالات نے قلیل مدتی مہنگائی دا منظر نامہ وگاڑیا اے۔واضح رہے کہ اسٹیٹ بینک ولوں ڈیڑھ ورھیاں وچ شرح سود 13فیصد ودھائی گئی اے جدکہ انٹرنیشنل مانیٹری فنڈ (آئی ایم ایف)نے وی سٹاف لیول معاہدے توں پہلاں پاکستان توں شرح سود ودھان دا مطالبہ کیتا سی۔
