پاکستان مخالف :ملک ڈیفالٹ دیاں افواہواں پھیلارہے نیں:اسحاق ڈار

اسلام آباد( پنجابی میڈیاگروپ)وزیرخزانہ اسحاق ڈار نے آکھیا اے کہ پاکستان مخالف عناصر ملک دے ڈیفالٹ ہون بارے افواہواں پھیلا رہے نیں ۔سماجی رابطے دی ویب سائٹ اُتے اپنے بیان وچ وفاقی وزیرخزانہ نے آکھیا کہ پاکستان دے ڈیفالٹ ہون بارے افواہواں سراسر غلط نیں،سٹیٹ بینک کول زرمبادلہ دے ذخائر وَدھ رہے نیں،بیرونی ادائیگیاں دے باوجود ذخائر4ہفتیاں وچ پہلاں دے مقابلے وچ 1 بلین ڈالروَدھ نیں۔اوہناں نے ہور آکھیا کہ غیر ملکی کمرشل بینکاں نے پاکستان نوں سہولتاں فراہم کرنا شروع کردتیاں نیں،آئی ایم ایف دے نال ساڈے مذاکرات مکمل ہون والے نیں،اُمید اے کہ اگلے ہفتے تک آئی ایم ایف دے نال معاہدے اُتے دستخط ہو جان گے، سارے اقتصادی اشارے آہستہ آہستہ درست سمت وَدھ رہے نیں۔