عوام حکومتی تبدیلی دی بھاری قیمت ادا کر رہی اے:عمران خان

اسلام آباد( پنجابی میڈیا گروپ)چیئرمین پاکستان تحریک انصاف تے سابق وزیراعظم عمران خان نے آکھیا کہ قوم سابق آرمی چیف ولوں مجرماں دے ٹولے نوں مسلط کرن دی قیمت ادا کر رہی اے۔سماجی رابطے دی ویب سائٹ ٹوئٹر اُتے اپنے پیغام وچ عمران خان دا کہنا سی کہ حکومتی تبدیلی دی سازش ذریعے سابق آرمی چیف نے مجرماں دے ٹولے نوں ملک اُتے مسلط کیتا، قوم ایس دی بھاری قیمت ادا کررہی اے۔اوہناں نے آکھیا کہ پی ڈی ایم دی11مہینیاں دی حکومت دے دوران روپے دی قدر وچ انتہائی گراوٹ آئی تے روپے دی قدر62فیصد گھٹ ہوئی جس دے نتیجے وچ عوامی قرضیاں وچ14.3ٹریلین روپے داودھا ہویا۔سابق وزیراعظم دا ہور کہنا سی کہ پاکستان وچ مہنگائی75ورھیاں دی تریخی سطح اُتے اپڑ گئی اے تے اوس وچ31.5فیصد ودھا ہویا اے۔