ڈالرتریخ دی اُچی ترین سطح اُتے اپڑ گیا

کراچی( پنجابی میڈیاگروپ)ڈالر روپے نوں رونددیاں ہویاں ملکی تریخ دی اُچی ترین سطح اُتے جا پہنچیا،اک دن وچ امریکی کرنسی دی قیمت وچ دُوجا تریخی ودھا ہویا۔کاروباری ہفتے دے چوتھے دن امریکی کرنسی دی قدر وچ ودھا ریکارڈ کیتا گیا اے،انٹربینک وچ 18روپے98پیسے ودھان دے بعد ڈالر285روپے9پیسے اُتے بند ہویا اے۔ انٹر بینک وچ ڈالر دی قیمت ودھن نال قرضیاں دے بوجھ وچ1800 ارب روپے توں وَدھ دا ودھا ہویا اے۔اوپن مارکیٹ وچ وی امریکی کرنسی دی قیمت وچ9روپے دا ودھا ریکارڈ کیتا گیا اے جس دے بعد اوپن مارکیٹ وچ ڈالر283روپے اُتے پہنچ گیا اے۔یاد رہے کہ پچھلے دناں کاروبار دے اختتام اُتے انٹر بینک وچ ڈالر266روپے11پیسے اُتے بند ہویا سی۔شہباز شریف دے دوروچ روپے دی قدروچ36فیصد کمی ہوئی،ڈالر102روپے 5پیسے مہنگا ہویا،وزیرخزانہ اسحاق ڈار دے دور وچ روپے دی قدر وچ19اعشاریہ5فیصد کمی ہوئی،29ستمبر2022توں ہُن تک ڈالر55روپے42پیسے مہنگا ہویا۔دُوجے پاسے معاشی ماہرین ڈالر دی قیمت وچ ودھا نوں عالمی مالیاتی ادارے(آئی ایم ایف) دے نال معاہدے وچ تاخیر پاروں قرار دے رہے نیں۔ٹاپ لائن سکیورٹی دے چیف ایگزیکٹو محمد سہیل نے دسیا کہ آئی ایم ایف توں فنڈنگ ملن وچ تاخیرپاروں کرنسی مارکیٹ وچ غیر یقینی صورتحال جنم لے رہی اے۔