معیشت نال کھلواڑ ہو رہیا اے،مفتاح اسماعیل

اسلام آباد(پنجابی میڈیاگروپ)سابق وزیر خزانہ مفتاح اسماعیل ہوراں آکھیا کہ حکومت دی کوئی سنجیدہ اکنامک پالیسی نظر نہیں آ رہی، معیشت دے نال کھلواڑ کیتا جا رہیا اے،پاکستانی روپیہ ڈالر دے مقابلے وچ300روپے تک اپڑ گیا،شرح سود وی3فیصد ودھن دے بعد20فیصداُتے اپڑ گئی۔ اک انٹرویووچ اوہناںنے آکھیاکہ اج پاکستانی معیشت دی تریخ دے حوالے نال اک برادن اے کہ جَد پاکستانی روپیہ ڈالر دے مقابلے وچ300روپے تک پہنچ گیا تے شرح سود وی3فیصد ودھن دے بعد20فیصداُتے اپڑ گیا۔اوہناں نے آکھیاکہ توقع سی کہ شاید شرح سود2فیصد وَدھ جائے لیکن3فیصد ودھائی گئی اے ایس نال حکومت نوں جیہڑاسود دینا ہُندا اے اوہ وی بوہت وِدھ جاندا اے،حکومت نوں سالانہ900ارب روپے دا فرق پہ جاندا اے تے پرائیویٹ سیکٹر نوں وی فرق پیندا اے، ایہ دوناں بوہت ہی وَدھ منفی ڈویلپمنٹ نیں لیکن ایس سب دے باوجود اسیں امید کردے ہاں کہ آئی ایم ایف دے نال معاہدہ ہو جائے گا تے انشاء اللہ اسیں کوشش کراں گیتے کِدھرے نا کِدھرے بہتری ول جا سکدے ہاں۔ڈالر دی قدروَدھن دے حوالے نال مفتاح اسماعیل نے آکھیاکہ جَد ڈالر240روپے اُتے سی تے اوس نوں مصنوعی طور اُتے روکن دی کوئی لوڑ نہیں سی