خیبر پختونخوا دے 16ضلعیاں وچ خصوصی انسداد پولیو مہم دا آغاز

پشاور: خیبر پختونخوا دے 16ضلعیاں وچ خصوصی انسداد پولیو مہم باضابطہ شروع کر دتی گئی اے۔ 3روزہ انسداد پولیو مہم دے دوران پشاور، بونیر، ڈی آئی خان، لوئر دیر، اپر دیر، ہنگو، کرک، کوہاٹ، لکی مروت، ٹانک، خیبر باجوڑ، اورکزئی، کرم ، شمالی وزیرستان تے جنوبی وزیرستان وچ 5ورھے توں گھٹ عمر دے 34لکھ 50ہزار 847بالاں نوں پولیو توں بچاؤ دے قطرے پیائے جا رہے نیں۔

خصوصی پولیو مہم لئی سکیورٹی دے سخت انتظامات کیتے گئے نیں۔ محکمہ صحت دے مطابق مہم وچ تربیت یافتہ پولیو ورکرز تے مشتمل 12ہزار 81ٹیماں تشکیل دتی گئیاں نیں، ایہناں پولیو ٹیماں وچ 10ہزار 485موبائل ٹیماں، 871فکسڈ ٹیماں، 619ٹرانزٹ ٹیماں تے 106رومنگ ٹیماں شامل نیں جد کہ مہم دی موثر نگرانی لئی 3ہزار 565ایریا انچارجز دی تعیناتی عمل وچ لیائی گئی اے۔

پولیو مہم دی رپورٹ دے مطابق ایس ورھے وچ خیبر پختونخوا توں ہن تک پولیو دے 12کیسز ساہمنے آ چکے نیں۔