گھر وچ اگ لگن نال ماں تے 4دھیاں زندہ سڑ گئیاں

حیدر آباد: لیبر سکوائر وچ واقع گھر وچ اگ لگن نال ماں تے اوہدی 4جواں سال دھیاں زندہ سڑ گئیاں۔

حیدر آباد دے سائٹ ایریا وچ واقع لیبر سکوائر دے اک مکان وچ اتوار تے پیر دی درمیانی شام اچانک اگ بھڑک اٹھی، اک کمرے دے ایس مکان وچ اک بیوہ عورت جنت بی بی اپنی 4جواں سال دھیاں ریشم، اسما، نیہا تے صنم دے نال رہائش پذیر سن، جہناںوچوں 4موقع تے ای جاں بحق ہو گئیاں جد کہ اک نے پیر دی صبح دوران علاج دم توڑیا۔

پلس دا کہنا اے جاں بحق ماں دھیاں وچوں صرف جنت بی بی دی ای لاش قابل شناخت سی، لاشاں نوں وارثاں دے حوالے کر دتا گیا اے۔