سعودی عرب وچ ہور 20شہزادے گرفتار، عرب میڈیا دا دعویٰ
عرب خبر رساں ادارے نے سعودی عرب وچ شاہی خاندان دے تن سینئر اراکین دی گرفتاری دے بعد ہور 20شہزادیاں دی گرفتاری دا دعویٰ کیتا اے۔
عرب خبر رساں ادارے دے مطابق پچھلے دیہاڑ فرمانروا شاہ سلمان دے بھرا شہزادہ احمد بن عبدالعزیز نوں اپنے بھتیجے ولی عہد محمد بن سلمان دے خلاف بغاوت دی منصوبہ بندی دے الزام وچ گرفتار کیتا گیا جہدے بعد منصوبہ بندی دا حصہ ہون دے الزام وچ ہور 20شہزادیاں نوں گرفتار کر لیا گیا اے۔
عرب میڈیا دا دسنا اے ولی عہد محمد بن سلمان ولوں گرفتار بندیاں تے بغاوت لئی امریکیاں سنے دوجی بیرونی قوتاں نال رابطیاں دا الزام لاگو کیتا گیا اے۔ عرب میڈیا دے مطابق رائٹرز دی رپورٹ وچ دسیا گیا اے سعودی فرمانروا شاہ سلمان نے گرفتاریاں دے وارنٹ تے آپ دستخط کیتے۔
