میں تے رانا ثناء اللہ نے عمران خان لئی اک انجکشن تیار کررکھیا اے،عطاء تارڑ

اسلام آباد (پنجابی میڈیاگروپ)وزیر اعظم دے معاون خصوصی عطا تارڑ نے آکھیا اے کہ عمران خان اُتے فرد جرم تے عائد ہونا اے، میں تے رانا ثناء اللّٰہ نے عمران خان لئی اک انجکشن تیار کررکھیا اے۔ پریس کانفرنس نال خطاب کردیاں ہویاں عطا تارڑ نے آکھیا کہ توشہ خانہ دیاں ساریاں کارروائیاں لائیو وکھائیاں جان، عمران خان آہستہ آہستہ ذہنی مریض بن رہے نیں، فرح گوگی تے کپتان لُٹ کے کھا گئے سارا پاکستان،عمران خان دا احتساب ہوکے رہے گا۔ منگل نوں ایتھے میڈیا نال گل بات کردیاں ہویاں اوہناںنے آکھیا کہ عمران نیازی تاحال عدالت وچ پیش نہیں ہوئے۔ اوہناں نے آکھیا کہ عمران نیازی نوں عدالتی کارروائی دا حصہ بننا چاہیدا اے۔ اوہناں نے آکھیاکہ اسلام آباد پلس نے عدالتی حکم دی تعمیل کران دی کوشش کیتی۔ عطاء تارڑ نے آکھیاکہ عمران خان ہر پیشی اُتے عدالتاں وچ وکیل تبدیل کردے نیں،عمران نیازی گرفتاری دے شدید ڈر تے خوف دا شکار نیں۔عطا تارڑ نے آکھیاکہ عمران خان سمجھدے نیں کہ توشہ خان دا کیس معمولی اے جدکہ اینج نہیں اے۔