لہور ہائیکورٹ نے عمران خان دی تقریر نشر کرن اُتے پابندی دا پیمرا دا حکم معطل کر دتا
لہور( پنجابی میڈیاگروپ)لہور ہائیکورٹ نے تحریک انصاف دے چیئرمین عمران خان دی تقریر نشر کرن اُتے پیمرا دا پابندی دا نوٹیفکیشن حکم حکم ثانی معطل کر دتا جدکہ درخواست نوں ہور سماعت لئی فل بنچ نوں گھل دتا۔ لہور ہائیکورٹ دے جسٹس شمس محمود مرزا نے پیمرا ولوں عائد پابندی دے خلاف درخواست اُتے سماعت کیتی ۔ فاضل عدالت نے فریقین دے دلائل سنن توں بعد عمران خان دی تقریر نشر کرن اُتے پابندی دا پیمرا نوٹیفکیشن تاحکم ثانی معطل کردیاں ہویاں وفاقی حکومت سنے ہور فریقین نوں نوٹسز جاری کردیاں ہویاں کارروائی 13مارچ تک ملتوی کردتی۔جسٹس عابد عزیز شیخ نے درخواست فل بنچ نوں گھلن دی سفارش کردیاںہویاں فائل چیف جسٹس لہور ہائیکورٹ نوں گھل دتی ۔ عمران خان نے پیمراولوں عائد پابندی نوں لہور ہائیکورٹ وچ چیلنج کیتا سی۔
